ڪارڪنن کي ھيٺيون ڳالھيون سمجھي ڇڏڻ گھرجن. ڪتاب رھبر سائين جي ايم سيد

 ڪارڪنن کي ھيٺيون ڳالھيون سمجھي ڇڏڻ گھرجن.

1. ھڪ مخلص سمجھدار ، باھمت ، باغيرت ، قومپرست سنڌي ڪارڪن ھزار بي ايمان ، ظالم ۽ سامراجي طرفدارن کان وڌيڪ طاقتور آھي ان جو حساب سان ھڪ ھزار مخلص ڪارڪن ڏھ لک دشمنن جي برابر ٿيندا .

2.اخبارون ، عام جلسا ، آئيني جماعتون ، جمھوري ادارا ۽ انھن سان واسطو رکندڙ ڳالھيون انگريزن ، ھندستان جي عوام جو توجھ انقلابي طريقن کان بدلائڻ لاءِ ايجاد ڪيو ھيون. اسان جا مخالف انگريزن جھڙي مھذب قوم نه آھن. جي جمھوري طريقن سان ڪابه رعايت ڏيڻ لاءِ تيار ھجن. انھيءَ ڪري سنڌ جي آزاديءَ انقلابي طريقي سان ئي حاصل ڪري سگھبي . جنھن جو گھڻو مدار اخفاءِ راز ۽ سرفروشيءَ تي آھي.

3. مھاجر پنجابي سامراجين جو سنڌين تي ھيٺين طريقن سان تسلط قائم رکيو وڃي ٿو.

(الف) لشڪر ۽ حڪومت جي ڏنڊي جي زور تي سنڌي عوام ۽ قوم پرستن کي دٻائي ڪمزور ڪرڻ سان.

(ب) غلط نظرين جي پرچار سان سنڌين کي گمراھ ڪري ھم خيال بنائي سندن سامراجيت جي ماتحت غلام رھڻ لاءِ رضامند ڪرڻ سان.

(ت) سنڌين مان ڪن خود مطلب ، وطن فروش ماڻھن کي پئسي ، عھدي ۽ اقتدار جي آڌار تي خريڪ ڪري ايجنٽ طور ڪتب آڻڻ سان.

(ث) مذھب جي فسطائي تشريح ذريعي وسوڙيل ۽ مذھب جي دلداده ماڻھن کي بيوقوف بنائي گمراھ ڪرڻ سان.

(ج) ڪن خود مطلب ماڻھن کي رواجي سھوليتون ، نوڪريون پرمٽن وغيره جون لالچون ڏيئي خريد ڪرڻ سان.

سامراجي ۽ سنڌن سنڌي ايجنٽن جا طريقي ڪار کڻي مختلف پر ٻنھي ڌرين جو مقصد ساڳيو سنڌ ملڪ ۽ سنڌي قوم کي غلام رکي ان جو استحصال ڪرڻ آھي.

انھن ڳالھين کي منھن ڏيڻ لاءِ ھيٺين طريقن موجب ڪم ڪرڻو پوندو:

I. لڪل ۽ مخفي طريقن سان سنڌ جي آزاديءَ جو ڪم ڪرڻو آھي.

II. سنڌ جي آزاديءَ واسطي مخلص ڪارڪن پيدا ڪرڻ لاءِ رات ڏينھن ڪوشش ڪرڻي آھي.

III. سنڌ جي آزاديءَ لاءِ سرفروش ڪارڪن پيدا ڪرڻ واسطي تربيت ڏيڻ.

IV. دنيا ۾ آزاديءَ لاءِ لڙندڙ ٻين ھمدرد ماڻھن ۽ تحريڪن سان رابطو پيدا ڪرڻ .

V. پنھنجي بچاءَ ۽ دشمن سان مقابلي واسطي گوريلا جنگي تربيت حاصل ڪرڻ.

VI. جديد پروپگينڊا جا سڀ ذريعا ڪت آڻڻ.

انھن مقصدن جي حاصلات لاءِ پرچارڪ پيدا ڪرڻ واسطي نھايت خبرداريءَ کان ڪم وٺڻو آھي. تنھن ڪري ڪارڪن نامزد ڪرڻ وقت ٿوري وقت لاءِ ان کي آزمائي پوءِ تحريڪ ۾ شامل ڪرڻو آھي ـ

جيئي سنڌ تحريڪ جي پرچارڪ جو قسم نامون.

آئون سنڌ جي زمين ، مٽي ۽ سنڌو درياءُ جي پاڻيءَ جو قسم کڻي اقرار ڪريان ٿو ته :

1) آئون سنڌي قوم جو فرد آھيان ، اول ۽ آخر سنڌي ٿي رھڻ ۽ سنڌ ۽ سنڌين جي ڀلائيءَ لاءِ ڪم ڪرڻ جو وعدو ڪريان ٿو.

2) آئون پاڪستان جي ڇويھن (1) سالن جي تجربي بعد ھن نتيجي تي پھتو آھيان ته پاڪستان مھاجر پنجابي مستقل مفاد جي سامراجي برپا ڪرڻ لاءِ وجود ۾ آندو ويو ھو ۽ ان کي انھيءَ طبقي جي مفاد لاءِ ھلايو وڃي ٿو. ان جو موجوده صورت ۽ قيام کي سنڌ جي آزادي ۽ ترقيءَ جي راه ۾ رڪاوٽ سمجھي ان جي ختم ڪرڻ لاءِ ھر طرح جي ڪوشش ڪندس.

3) آئون ملڪي سياست کي مذھب سان گڏي ھلائڻ کي ملڪ ۽ ماڻھن لاءِ نقصانڪار سمجھان ٿو.

4) آئون قومپرستي ، جمھوريت ، سوشلزم ۽ سيڪيولرزم جي اصولن ۾ ويساھ رکان ٿو.

5) آئون سنڌ جي مڪمل آزاديءَ کي سنڌين جي جنم جو حق سمجھان ٿو.

اھو عھد نامو ٻن ميمبرن جي سامھون صحيح ڪري سالارِ محاذ کي ڏنو ويندو . ان بعد ھن کي جماعت ۾ داخل ڪيو ويندو . ان ڪارڪن جو نالو رڪارڊ تي س پ ڪ نمبر.... سان داخل ڪرڻو پوندو ۽ آئنده باھمي لاڳاپي لاءِ انھيءَ نمبر سان ان کي سڏيو ويندو.

1. پاڪستان قائم ٿيڻ کانپوءِ جيئن سال گذرندا ويندا اھو انگ اچاربو.

2. انھني صيغي جي ڪارڪنن ۾ مھاجر پنجابيءَ کي حتي الامڪان شامل نه ڪيو وڃي . ازان سواءِ پيپلز پارٽي ، جماعت اسلامي ۽ مسلم ليگي تحريڪن سان لاڳاپو رکندڙن کي به ان ۾ شامل ڪرڻ جي اجازت نه آھي.

جيئي سنڌ تحريڪ جي پرچارڪن کي ھيٺين ھدايتن موجب ھلڻو آھي:

(الف) جيئي سنڌ تحريڪ جي مقصدن جي تبليغ لاءِ روبرو گفتگو يا ڪن ننڍن پمفليٽن ذريعي ڪم ڪرڻو آھي . تقريرن يا بحث مباحثي کان گوشو ڪرڻو آھي.

(ب) تحريڪ جي پرچار لاءِ ٻين ملڪن ۾ رھندڙ سنڌين کي دائره عمل ۾ آڻڻ لاءِ اتي وڃي ڪم ڪرڻو پوندو.

(ت) پاڪستان ، ايران (1) سعودي عربيا ، اردن ، موراڪو ۽ ترڪي جي حڪومتن کي سندن موجوده صورت ۾ آمريڪي ايجنٽ شمار ڪرڻوآھي.

(ث) آمريڪي حڪومت کي پاڪستان سامراج طبقي جو سرپرست ۽ حامي سمجھي سنڌ دشمن شمار ڪرڻو آھي.

(ج) افغانستان (2) روس، ڀارت ، بنگلاديش ۽ عراق ملڪن کي دوست سمجھي اتي جي رھاڪن مان ھمدرديءَ جي اميد رکي سگھجي ٿي پر اتي جي حڪومتن جي مدد ۽ ھمدرديءَ تي آسرو رکڻ خود فريبيءَ برابر ٿيندو.

(خ) ڀارت ۾ سنڌ ما لڏي ويل ھندن جي محب وطن ۽ نوجوانن کي جيئي سنڌ تحريڪ جي حامي بنائڻ جي ڪوشش ڪجي.

(1) جڏھن ھي ڪتاب لکيو ويو ان وقت ايران ۾ رضا شاھ پھلوي حڪومت ھئي.

(2) افغانستان ۾ اُن وقت ڪميونسٽ حڪومت ھئي.

(د) پرچارڪ ڪارڪنن کي جيئي سنڌ محاذ ۾ ڪم نه ڪرڻ گھرجي سواءِ ھن ٻن نمائندن جي.

(ذ) پرچارڪ ڪارڪنن کي سلف ۾ ڪم ڪرڻ نه گھرجي سواءِ ھڪ ٻن تعلقات قائم رکڻ وارن نمائندن جي.

(ر) پرچارڪ ، ڪارڪنن کي مھذب ۽ زبان ڪتب آڻڻ گھرجي ۽ ھيٺين اصولن جي پابندي ڪرڻ گھرجي.

1. ماڻھن جي شخصي ، مذھبي ۽ نسلي جذبات کي نه ڏکوئڻ گھرجي.

2. ھروڀرو مذھبن جي خلاف گالھائڻ نه گھرجي.

3. زميدارن ، پير ۽ مُلن کي ويجھو نه وڃن گھرجي.پر جي اھي اتفاقاَ ملي وڃن ته انھن سان سياسي يا تحريڪ جي مسئلن تي گفتگو نه ڪرڻ گھرجي.

4. سويل اٿڻ ، بدن ۽ ڪپڙا صاف رکڻ ھر ڪارڪن لاءِ لازمي آھي.

5. ڪوڙ ڳالھائڻ ، چندو وصول ڪرڻ زنا ۽ نشي کان ھر ھڪ ڪارڪن کي پاسو رھن گھرجي.

6. نام نمائش عھدي جي حصول وغيره کان علحده رھڻ گھرجي.

7. سادو کائڻ ۽ سادو پھرڻ تي ڪارڪنن کي پاڻ ھيرائڻ گھرجي.

8. مائٽن ۽ عام دوستن کي به جماعتي راز ٻڌائڻ کان پرھيز ڪرڻ گھرجي.

9. پنھنجي رھڻ، ھلچل ۽ ڪارگذاري جو پتو گھرجي ڀاتين کي به نه ڏيڻ گھرجي.

10. ھڙتالون ڪرڻ ، حڪومت ۽ ٻين سامراجي جماعتن سان تقريب ۽ تصاوير ۾ اچڻ کان پاسو ڪرڻ گھرجي.

11. ھر ھڪ ڳوٺ اسڪول ، ڪاليج ، يونيورسٽي ۾ ھڪ کان ڏھن تائين ڪارڪن پيدا ڪرڻ جي ڪوشش ڪرڻ گھرجي.

12. ھڪ ٻئي جي سڃاڻپ لاءِ نشانيون مقرر ڪجن.

13. مخفي مجلسن ۾ داخلا لاءِ واچ ورڊ مقرر ڪجن.

14. ٻين جماعتن جي حال احوال ۽ ڪار گذاري معلوم ڪرڻ لاءِ ڪي مخبر مقرر ڪجن جي انھن جماعتن ۾ داخل ٿي اتي جو حال احوال موڪليندا رھن.

15. جيئي سنڌ تحريڪ جي پرچارڪ صيغي کي ھيٺين کاتن ۾ ورھائي ڪم ڪرڻ گھرجي.

i. تبليغي يا پرچارڪ کاتو.

ii. خبر رسان کاتو

iii. نشرو اشاعت يا پبلسٽي ۽ پروپيگنڊا کاتو

iv. خارجه تعلقات قائم ڪرڻ جو کاتو

v. ٻين جماعتن ۾ گھڙي ڪم ڪرڻ جو کاتو

پرچارڪ پيدا ڪرڻ کان اڳ ھيٺيون ڳالھيون مد نظر رکڻ گھرجن.

· ڪارڪنن جي نظام لاءِ چونڊ نه ڪرڻي آھي.

· عھديدار صرف سيڪريٽري ۽ ميمبر ٿيندا.

· سنڌ ، ضلع ، ڳوٺ ، ڪاليج جا سيڪريٽري رھبر اعليٰ جي مشوري بعد نامزد ڪرنا آھن.

· تحريڪ جا ھيڊ ڪوارٽر ۽ دفتر ھڪ ھنڌ يا جاءِ تي نه ھئڻ گھرجن . ڪنھن به لکپڙھ ۾ ڪارڪن جو نالو نه ھئڻ گھرجي.

· پرچارڪن جا نمبر سنڌ وار ھئڻ گھرجن ، جيئن مختلف ضلعن جا نمبر ڀلجي نه پون.

· ميمبرن کان علاوه معاون ۽ ھمدرد به بنائڻا آھن ، جي اخلاق ۽ مالي مدد ڪري سگھن ٿا . انھن کي ڪم جو راز يا پروگرام ٻڌائڻ نه گھرجي.

· پرچارڪن کي عملي يا سرفروشاله ڪمن ۾ دست اندازي ڪرڻ نه گھرجي.

· پرچار جو طريقو تاليف قلوب ۽ اخلاقي قدرن ذريعي ڪرڻ گھرجي.

· پرچارڪن کي ذھني طور يا گفتگو ۽ رھڻي ڪرڻي ۾ عدم تشدد تي عمل ڪرڻ گھرجي.

· پرچارڪن کي ڪنھن به چونڊن ۾ نه بيھڻ گھرجي.

· پرچارڪن جي خبر رسان گروه کي سرڪار جي آمدرفت جي رستن ، ريلوي پلين ، مکيه سرڪاري ادارن، مخالف ڪارڪنن مان مکيه جي نالن ، ڳوٺن ۽ائڊريسن جي ياد داشت حد وار ڪٺي ڪرڻي آھي.

· پرچارڪن جي پروپئگنڊا جي کاتي کي ننڍا رسالا بنا نالي ڇپائي يا سائيڪلو اسٽائيل ڪرائي ڪارڪنن ۾ ھدايتن لاءِ ورھائڻا آھن.

· غير ميمبرن کي لٽريچر نه ڏيڻو آھي.

· مخالف ڌرين جا رسالا ، اخبارون ۽ طريقه ڪار کان واقفيت حاصل ڪرڻ لاءِ چند ماڻھو مقرر ڪجن جي ضروري مواد ڪٺو ڪري مکيه ڪارڪنن کي حالات کان واقف ڪن.

· پرچارڪن جي خارجه کاتي وارن کي حال انگلينڊ ، ڀارت ، افغانستان ، بنگلاديش ۽ عراق ۾ پنھنجي مرڪز قائم ڪرڻ گھرجن.

· پرچارڪن کي وقت بوقت مٿين سطح تي گڏ ٿي پنھنجي طريقه ڪار مقرر ڪرڻ لاءِ صلاح مشورو ڪرڻ گھرجي.

· پرچارڪن کي ھيٺين قسم جي ماڻھن کي پنھنجي تحريڪ جو ميمبر ڪرڻ نه گھرجي.

i. جنھن تي مذھب جو گھڻو اثر ھجي.

ii. جنھن تي ڪميونسٽن جو گھڻو اثر ھجي.

iii. جو خود مطلب اقتدار ۽ ناموس جو طالبو ھجي.

iv. جنھن ۾ قربانيءَ جو مادو نه ھجي.

v. جو پاڪستان کي ڊاھي سنڌ کي مڪمل آزادي ، خوشحالي ۽ ترقيءَ جو قائل نه ھجي.

· پرچارڪن مان ڪن کي ٻين جماعتن ۾ گھڙي ان ۾ پنھنجي اثر وڌائڻ ، حال احوال ، معلوم ڪرڻ لاءِ مرڪزي ھاءِ ڪمانڊ جي اجازت سان نامزد ڪري ڪم سپرد ڪرڻو آھي.

· پرچارڪن کي ڌارين جي جلسن ۾ گھڻو نه ڳالھائڻ گھرجي.

· پرچارڪن کي مڪاني ۽ شخصي جھيڙن ۽ فسادن کان پاسو ڪرڻ گھرجي.

· پرچارڪن کي ڪارخانن ، مذھبي ادارن ، مختلف سياسي جماعتن ۾ڪم ڪرڻ لاءِ ، جن ڪارڪنن کي موڪلڻ گھرجي ، تن کي پھرينءَ پوريءَ طرح تعليم ۽ تربيت ڏيئي پوءِ موڪلڻ گھرجي.

· پرچارڪن مان جن کي خاص جوابداريون سپرد ڪجن تن کي تعليم يا نوڪري ڇڏي ، ھڪ مھو ٿي ڪم ڪرڻ گھرجي ، تحريڪ کي اھڙن پرچارڪن جي گذر معاش لاءِ انتظام ڪرڻ گھرجي.

· جيل ۾ وڃڻ بعد اتي پڙھڻ ، لکڻ ۽ قيدين کي سمجھائڻ لاءِ وقت صرف ڪرڻ گھرجي.

· پرچارڪن ۾ ڇوڪرين ۽ زالن کي داخل ڪرڻ جي منع نه آھي پر حتي الامڪان انھن کي پري رھڻ لاءِ تحريص ڏيارجي.

· ھوٽلن سئنمائن ، عام پبلڪ ميٽنگن يا جڳھين تي گھٽ وڃجي جناح ، لياقت علي وغيره غدار ۽ سنڌ دشمنن جي فريبن ۾ نه وڃڻ گھرجي.

سرفروش يا سلف کاتو

ھي کاتو سنڌ لبريشن فرنٽ يا سلف جي نالي سان سڏيو ويندو. ھن فرنٽ ۾ صرف اھي ڪارڪن داخل ڪري سگھبا جي اڳي ڪجھ وقت لاءِ پرچارڪ گروھ ذريعي ذھني تعليم ۽ تربيت حاصل ڪري ويا ھجن . ان ۾ شريڪ ٿيندڙن کان ھيٺيون عھد نامو رت سان صحيح ڪرائي سنڌو درياھ ۾ لوڙھڻو آھي يا زمين ۾ دفن ڪرڻو آھي.

اھو ڪم ٻن ميمبرن جي حاضري ۾ ڪرڻو آھي.

سرفروشن جو قسم نامو

آئون سنڌوديش جي قديم عظمت ، سندس پوتر زمين ، سنڌو دياھ جي مٽيءَ پاڻيءَ جو قسم کڻي وعدو ٿو ڪريان ته:

1. آئون سنڌي قوم جو فرد آھيان . اول ۽ آخر سنڌي ٿي رھڻ گھران ٿو.

2. دشمنان سنڌ جي ايجاد ڪيل نظريئه مسلم قوم يا پاڪستاني قوم ۾ ويساھ ڪو نه ٿو رکان.

3. ڇوينھن (1) سالن جي تجربي بعد ھن نتجي تي پھتو آھيان ته پاڪستان مھاجر پنجابي مستقل مفاد جي فائدي لاءِ برپا ڪرايل ھو ۽ ھلايو وڃي ٿو . ان جي موجوده صورت ۾ قيام کي آئون سنڌ جي آزادي ، خوشحالي ۽ ترقي جي راھ ۾ رڪاوٽ ڄاڻي ان جو ختم ڪرڻ ضروري ٿو ڄاڻان.

4. آئون ملڪي سياست کي مذھب سان گڏي ھلائڻ کي ملڪ ۽ قوم لاءِ نقصانڪار ڄاڻان ٿو.

5. آئون نيشنلزم ، جمھوريت ، سوشلزم ۽ سيڪيولرزم جي اصولن ۾ ويساھ رکان ٿو.

6. سنڌ جي مڪمل آزادي حاصل ڪرڻ لاءِ جان ۽ مال جي قرباني ڪرڻ لاءِ تيار آھيان.

ھيءَ جيئي سنڌ تحريڪ جو سڪشن

زير زمين رھي ھيٺين شعبن ذريعي ڪم ڪندو .

1. گوريلا تربيت حاصل ڪرڻ وارو گروه.

2. سنڌ اندر حڪم ملڻ بعد سنڌ جي آزاديءَ لاءِ راھ ھموار ڪرڻ واسطي ڪارروائيون ڪندڙ گروھ.

3. ملڪ کان ٻاھر ڪم ڪندڙن جو گروھ.

4. پاليسي فيصل ڪندڙ اداره عليه ( ھائي ڪمانڊ ) وارو گروھ.

(1) ھن سيڪشن ۾ داخل ميمبر پاڻ کي اصل نالي سان نه سڏائيندا ، بلڪ سلف نمبر ........... سان سڏيا ويندا .

(2) اھي اڪثر نقاب پوش رھندا ۽ سندن آستانه ڀٽن ، جبلن ۽ جھنگلن ۾ ھوندا.

مذڪوره بالا شعبن ۾ ڪارڪنن جون ڊيوٽيز يا فرائض ھيٺيون ھونديون:

1. ملٽري تربيت.

2. گوريلا جنگ جا طريقا.

3. موٽر ھلائڻ.

4. ھوائي جھاز ھلائڻ.

5. ڊائنامائيٽ ھلائڻ ۽ سرنگون ھڻڻ.

6. وائرليس ھلائڻ ۽ سمجھڻ.

7. بم ٺاھڻ ۽ ھڻڻ.

8. جاسوسي ڪرڻ.

9. ڪوڊ ورڊنگ جي تعليم حاصل ڪرڻ.

10. ٻيون ان گروھ جي ڪم لاءِ ڪارآد ڳالھيو.

ھنن ماڻھن جا مکيه ڪم ھيٺيان ٿيندا.

1. دشمن جي ذرايع پيداوار کي نقصان پھچائڻ.

2. دشمنن جي آمدرفت ۽ نشرواشاعت جي وسيلن کي بيڪار بنائڻ.

3. دشمنن جي مکيه مرڪزن کي تباھ ڪرڻ.

4. دشمنن جي منظم طاقت سان کليل مقابلي کان پرھيز ڪرڻ.

5. مڪاني غدارن ۽ ڌارين جي سنڌي ايجنٽن سان باوجود اشتعال جي به تصادم کان پاسو ڪرڻ.

6. ملڪ جا براج ، ڪارخانا، بئنڪون ، واپار جون منڊيون، دشمنن کي سنڌ ۾ رھي ان جي استحصال لاءِ ترغيب ڏيارين ٿيون . تنھن ڪري انھن کي نقصان پھچائڻ ، سنڌ جي جلد آزاديءَ ۾ مدد ڪندو.

7. ملڪ جون ريلون ، رستا ، ڪراچيءَ جو پاڻي ۽ پليون دشمنن جي سنڌ تي تسلط قائم رکڻ لاءِ مدد ڏين ٿيون تنھن ڪري انھن کي ( وقت تي ) بيڪار بنائڻ سنڌ جي آزاديءَ لاءِ راه ھموار ڪندو.

8. ڪارڪنن کي نشي ، زنا ، فضول خرچي ، پيسي جي لالچ کان پري رھڻو پوندو.

انھيءَ گروه جي ڪارڪنن جي ڀرتي سنڌ اندر ضلع وار ڪئي ويندي . سنڌ کان ٻاھر رھندڙ سنڌي جيڪي ھن تحريڪ جا حامي ھوندا ، انھن کي ھن تحريڪ ۾ شريڪ ڪري سگھجي ٿو.

انھي ڪارڪنن ۾ سڀني مذھبن جا افراد جيڪي سنڌ جي مڪمل آزاديءَ لاءِ جدوجھد ڪرڻ واسطي تيار ھوندا سي شريڪ ڪري سگھجن ٿا .

i. ھنن ڪارڪنن کي پنھنجي ويجھي کان ويجھي عزيز کي به پنھنجي سرگرميءَ کان واقف نه ڪرڻو آھي.

ii. ھنن ڪارڪنن کي ھٿيارن ۽ بارود جي ذخيرن کي دشمن جي دسترسيءَ کان ٻاھر ڪٺو ڪري رکڻو آھي.

iii. ھنن ڪارڪنن کي دنيا جي مختلف ملڪن ۾ گوريلا جنگ ۾ استعمال ڪيل طريقن بابت معلومات حاصل ڪرڻي پوندي.

iv. ھنن ڪارڪنن جو ھڪ حصو ملڪ کان ٻاھر رھندو ۽ ھڪ ملڪ اندررھي ڪم ڪندو.

v. ھر ڪو ڪم ھاءِ ڪمانڊ جي حڪم ۽ پاليسيءَ مطابق ڪرڻو پوندو.

vi. ڪارڪنن کي پنھنجي مرضيءَ مطابق عام پاليسيءَ جي خلاف ڪو به قدم نه کڻڻو آھي.

ملڪ اندر حڪم بعد ڪاروايون ڪندڙ گروھ:

ھن گروھ کي ھيٺيان ڪم ڪرڻا پوندا.

1. سامراجي حڪومت يا حڪمران طبقي جي ھيٺين ڳالھين جو تفصل حاصل ڪرڻ.

بئراج ، مکيه ريلويءَ ۽ رستن جون پلون ، براڊ ڪاسٽنگ اسٽيشنون ، مکيه واھن جا ريگيوليٽر ۽ موريون دشمن جي ھٿن ھيٺ ھلندڙ ڪارخانا، مکيه دشمنن جا گھر ، مکيه واپاري منڊيون ، ان لاءِ ته جيئن وقت تي حڪم ملڻ بعد انھن جي تباھيءَ لاءِ انتظام ڪري سگھجن.

نوٽ : اھا خبرداري رکڻي آھي ته اھڙو ڪم ڪندڙ ماڻھو.

1. پاڻ کي گرفتار ڪرائڻ کان حتي الامڪان بچائي، جھلجھڻ بعد خودڪشي ڪري.

2. ساڳيا ڪارڪن ھڪ مھيني اندر ٻه دفعا ڪارروائي ۾ حصو نه وٺن . جيڪڏھن ٿي سگھي ته ھر قدم کڻڻ کان پوءِ اھي ملڪ کان ٻاھر نڪري وڃن.

3. مڪاني ماڻھن جي ھمدردي نه وڃائڻ گھرجي.

4. چوري ، ڊاڪه زني ، شخصي انتقام کان پاسي رھڻ گھرجي .

ملڪ کان ٻاھر ڪم ڪندڙن جو گروھ

1. اھي ڪارڪن ھٿيار ۽ بارود مھيا ڪرڻ جو انتظام ڪندا.

2. ملڪي گوريلن کي تربيت ڏيارڻ جو انتظام ڪندا.

3. ڪارروايون ڪندڙ گوريلن جي جاءِ پناھ ڏيارڻ جو انتظام ڪندا.

4. ٻاھرين ملڪن ۾ ھمدرد تحريڪن سان تعلق رکندا.

5. پيسي ھٿ ڪرڻ جو انتظام ڪندا.

6. حالتن جي درست ٿيڻ تائين ٻاھرين ملڪن ۾ آزاد سنڌ سرڪار برپا ڪري ڪم ھلائيندا.

7. ملڪ کان ٻاھر براڊڪاسٽنگ اسٽيشن قائم ڪري سنڌين ۽ دنيا کي پنھنجي مقاصد کان واقف ڪرائيندا.

8. سنڌ جي آزاديءَ لاءِ عالمي راءِ ھموار ڪرڻ جي ڪوشش ڪندا.

9. سنڌ ۾ رھندڙ ڪارڪنن سان وائرليس ذريعي تعلقات قائم رکندا.

پاليسي فيصل ڪرڻ وارو گروھ

اھو گروھ ملڪ کان اندر ۽ ٻاھر مکيه ڪارڪنن تي مشتمل رھندو.

1. اھي وقت به وقت حالتن جو اندازو لڳائي ، پاليسي مرتب ڪري ڪارڪنن کي قدم کڻڻ لاءِ ھدايتون ڏيندا.

2. حالتون درست ٿيڻ بعد آزاد سنڌ حڪومت پرپا ڪري آزاديءَ جي حصول تائين ڪم ھلائيندا.

3. تحريڪ کي منظم ڪرڻ لاءِ فنڊس ڪٺي ڪرڻ لاءِ ڪوشش ڪندا. جنھن ۾ ھمدرد ۽ تعاون ڪندڙ ماڻھن ، ڌارين ملڪ جي رھاڪن کان مدد وٺڻ وغيره طريقا شامل ھوندا.

انھي گروپ وٽ ھڪ خودڪار پريس ھوندي ، جنھن ۾ اھڙو لٽريچر ڇپائي ھزارن جي تعداد ۾ ورھائڻ جو انتظام ڪندا.

براڊڪاسٽنگ مشن تان پنھنجي مقصدن جي پرچار ڪندا.